सिटी न्यूज रायपुर – बीरगांव

जोगी कांग्रेस के बीरगांव ब्लाक अध्यक्ष बेदराम साहू ह सिटी न्यूज ल बताइस कि बीरगांव नगर पालिका के “स्थापना दिवस” ए बछर ले धुमधाम से मनाय के परम्परा शुरू करत हन,  दिन इतवार, तारिख 17 जनवरी 2021 के सुबह 10 बजे, छत्तीसगढ महतारी के सपूतद्वय दूनो बघवा अमीत जोगी अउ अमीत बघेल के शुभहाथ से बीरगांव के बुधवारी बाजार मं छत्तीसगढ के पहिली मुख्यमंत्री स्व. अजीत जोगी के प्रतिमा अउ साथेसाथ हमर छत्तीसगढ महतारी के प्रतिमा के लोकार्पण करके भव्य स्थापना दिवस के शुरूआत करे जाही , जेकर भव्य तैयारी करे जावत हे  !!

बेदराम साहू ह बताइस कि 17 जनवरी के सुबह 10 बजे लोकार्पण के तुरंत बाद हमर छत्तीसगढ के लोकप्रिय बाल कलाकार आरू साहू  (गायिका) द्वारा सुंदर प्रस्तुति देखे अउ सुने ल मिलही  !!

जोगी कांग्रेस के ब्लाक अध्यक्ष बेदराम साहू ह बताइस कि आज इही संबंध म जोगी कांग्रेस अउ छत्तीसगढिया क्रांति सेना के क्रांतिकारी संगवारी मन के एकसंग बइठक बीरगांव म होइस हाबय, अउ बइठक में जम्मो संगवारी मन ल अलग अलग जिम्मेदारी तको बांट दिये गिस हे  !!

अब्बड खुशी के बात हरय कि जेन छत्तीसगढ़ के पहली मुख्यमंत्री अजीत जोगी ह 17 जनवरी 2003 के हमर क्षेत्र ल  गांव से शहर,  ग्राम पंचायत से सीधा   नगरपालिका बनाय के सौगात दिस, आज वो महान आत्मा हमर बीच में नई हे वोकर याद में स्थापना दिवस मनाय के साथ वो महान पुरूष के मूर्ति भी लगावत हन ताकि आने वाला पीढी मन ल नगर पालिका निर्माता के जानकारी होवत राहय, जिहां हमर माटी पुत्र रहिही उहां हमर महतारी तको हम सब ल आशीष देवत रहिही,, इही सोच के साथ छत्तीसगढ के पहिली मुख्यमंत्री माटीपुत्र अजीत जोगी  अउ हमर छत्तीसगढ महतारी के प्रतिमा एकसंग लगाय जावत हे,,  ये पहिली मौका हरय जेमा छत्तीसगढिया कांति सेना अउ जोगी कांग्रेस के मुखिया अमित बघेल अउ अमित जोगी एकसंग मंच साझा करके प्रतिमा के लोकार्पण करही , आयोजक मन जम्मो नगरवासी मन ल झारा झारा नेवता सोशल मीडिया के माध्यम से भेजे हाबय  !!