SALE 80% OFF| 100 मास्क | ऑफर सिर्फ इस हफ्ते तक | अभी खरीदें | सुरक्षित रहें

रक्षक ह बन गे भक्षक – छत्तीसगढ महतारी के भूंइया ल बेचे के विरोध म अमित जोगी उतरीस मैदान में – जोगी कांग्रेस अब करही प्रदेश भर में उग्र आंदोलन…

सिटी न्यूज रायपुर –

छत्तीसगढ़ की ताज़ा खबरें…

रायपुर – 30 जुन 2020 –  जोगी कांग्रेस के प्रदेश अध्यक्ष अमित जोगी ह किहिस कि अपन पिता अउ पार्टी के संस्थापक स्व.  श्री अजीत जोगी जी ल आज – स्मरण करके गरीब, दबे,  कुचले,  शोषित, पिछड़ा, हरिजन, आदिवासी अउ सर्वहारा वर्ग मन के हित म स्व. अजीत जोगी जी के बताये रददा म चले के संकल्प के साथ आज ले दिन – रात 24 घंटा,  अपन पिता जोगी जी के नाम, मान सम्मान,  स्वाभिमान अउ छत्तीसगढ़ महतारी के सेवा ख़ातिर बर मैदान म उतरे हंव ,

पिता के निधन के बाद आज से अपन स्वयं के नेतृत्व म अमित जोगी ह दू ठन प्रमुख ज्वलंत मुद्दा ल लेेेेके नवा पारी के शुरूआत करत है जेमा छत्तीसगढ़ महतारी के सेवा अउ ऱक्षा के बीडा उठाइस हे  …!!

पहिली मुददा – छत्तीसगढ़ के इतिहास म आज तक जो नई होय रहिस ओला ये कांग्रेस पार्टी के भुपेश बघेल सरकार ह करत हे ,

सब झन ल सुरता हाबे कि छत्तीसगढ़ के कांग्रेस पार्टी ह चुनाव के दौरान छत्तीसगढ के ढाई करोड़ जनता मन ले किरिया खाके केहे रिहिस कि कांग्रेस पार्टी के सरकार बनाहू त तुमन सब झन ल जेन जिंहा रहिथव, तुहंर कब्जा के भुंइया – मकान,  दूकान के पटटा फोकट म बनाके घर पहुंचा के देबोन , कहे रिहिस हे …

अउ अब जब कांग्रेस पार्टी के सरकार बन गे त काहत हे कि तुमन जो कब्जा करे हव वो जमीन ल लाखो रूपया देके रजिस्ट्री करावव,  कोरोना अउ लॉकडाउन ले जनता ह उबरे नई हे अउ उपर से भूपेश बघेल ह एक ठिन नवा मुसीबत ला दिस , रजिस्ट्री करा लव नही त तोड देबो…पुरा छत्तीसगढ़ के गरीब मनखे मन ल अइसन डरावत तको  हे  !!

आज तक दुनिया म कहीं भी पटटा देके पैसा कोई सरकार ह नई लेवय लेकिन ये कांग्रेस पार्टी के भूपेश सरकार ह फोकट म पटटा देबोन कहिके,  अब मनमाने पैसा लेके पटटा देबोन काहत हे,

अउ दुसरा मुददा –
छत्तीसगढ़ के कांग्रेस सरकार ह हमर छत्तीसगढ़ महतारी के उपर अत्याचार करत हे, छत्तीसगढ के इतिहास म पहली बार ये भूपेश बघेल के सरकार ह – हमर धरोहर, हमर छत्तीसगढ़ महतारी के बेशकीमती भुंइया मन ल , जेन भुंइया के उपयोग हमर भावी पीढी के लोग लइका मन के भविष्य खातिर बर सुरक्षित रखे गे हाबे ,   जेन भुंइया म स्कूल, कॉलेज, आंगनबाडी, अस्पताल,  गार्डन,  खेल मैदान, अऊ गांव म गोठान या सरकारी राशन दुकान, धान खरीदी केंद्र या शहर में म हमर देश – प्रदेश के  महापुुरुष मन के स्मृति ल , छत्तीसगढ़ महतारी के संस्कृति ल सहेजे बर मूर्ती के रूप म चौक चौराहा बनाके सुंंदर शहर बनाय के सपना संजोथन,  अउ कई ठन योजना बर भुंइया के जरूरत हम छत्तीसगढ़िया मन ला आजीवन पडही , तेन जम्मो भुंईया मन ल भुपेश बघेल के सरकार ह चरचर ले बेचत हाबे , नरवा, गरवा , घुरूवा, बारी-  बर तको भुंइया नई बाचही  …!!

हमन जेन ला छत्तीसगढ़ के छत्तीसगढ़िया मुख्यमंत्री कहि थन – वो भूपेश बघेल ल तको अपन छत्तीसगढ़ महतारी के प्रति मया दुलार अउ बिलकुल चिंता नई हे  ओकरो कुछु स्वार्थ होही , एहा प्रदेश के मुखिया हरे,  इही मुखिया ह – हमर छत्तीसगढ़ महतारी ल बेचे के अनुमति दे  होही , तभे तो पुरा छत्तीसगढ़ प्रदेश के हर गांव – शहर के सबो अमूल्य भूंइया मन ल बेचे के ठेका कलेक्टर, तहसीलदार अउ पटवारी मन ल दे देहे , अउ मुख्यमंत्री भुपेश बघेल ह खुले आम कलेक्टर मन ल मीटिंग लेके धमकावत घलो हे कि जेन अधिकारी अपन छत्तीसगढ़ महतारी के सौदा नई कर पाही, बेच नई पाही तेन मन ला पद से इस्तीफा दे दव,  अइसन  धमकी तको देवत हे  !!

हम कहिथन कि – मुख्यमंत्री भुपेश बघेल ह कोन होथे, एकर अतेक हिम्मत कइसे होगे कि हमर छत्तीसगढ़ महतारी के सौदा करत हे, हमर भुंइया ल बेचत हाबे,
ये हा छत्तीसगढ़ के धरोहर हरे , एकर रक्षा करे के जिम्मेदारी भुपेश बघेल ल छत्तीसगढ़ के ढाई करोड़ जनता ह सौंपे हे …परन्तुु येे छत्तीसगढिया मन के दुर्भाग्य हरेे कि  –
जेन ल रक्षा के जवाबदारी जनता ह सौंपे हे आज उही भूपेश बघेल ह भक्षक बन गे हे …

ऐ हा सरकार चलाय म पुरी तरह से फेल हो चुके हे …

डेढ साल म छत्तीसगढ़ के चहुंमुखी विकास तो जीरो हे,  केवल विधायक , अधिकारी, कर्मचारी , मंत्री अउ मुख्यमंत्री के तनख्वाह अउ ओकर बंगला मन के फालतू  खर्चा निकाले के ख़ातिर राजस्व बढाके पैसा लाय बर , ये कांग्रेस के भूपेश बघेल सरकार ह, आज हमर छत्तीसगढ़ महतारी के सौदा करत हे, ये पैैैैसा सिरा जाही ओकर बाद ये भोकवा ह कल तरिया, नदिया, जंगल , बिजली, सरकारी स्कूल, कालेज, सरकारी अस्पताल मन ल तको बेच के सरकार चलाहूं कहिही…

जेन मन ल हमन अपन अउ छत्तीसगढ़ महतारी के रक्षक बनाय रेहेन,  तेने मन आज भक्षक बन गे… !!

हम छत्तीसगढ़ के ढाई करोड़ जनता कोति ले मुख्यमंत्री भुपेश बघेल ल चेतावनी देवत हन
अगर मुख्यमंत्री ह स्वयं ये कृत्य ल नई रोकही,  त भुपेश बघेल ह छत्तीसगढ़ महतारी के सपुत नही –  कपुत कहिलाही , आगू चलके इही हा  इतिहास बन जाही अउ करिया अक्षर में मुख्यमंत्री भुपेश बघेल के नाम ह लिखाही… !!

जनता कांग्रेस छत्तीसगढ़ जे पार्टी ह छत्तीसगढ़ महतारी के रक्षा खातिर अपन जान के कुर्बानी दे बर तैैैैैयार हेे ,  लेकिन हम अपन लईका मन के भविष्य बर,  छत्तीसगढ़ महतारी के  मान, सम्मान अउ स्वाभिमान ल बचाय के खातिर बर अपन जान के बाजी लगाके लडबो …अउ जीतबो, जरूरत पडही त छत्तीसगढ़ महतारी बर हमन शहीद होय बर घलो तइयार बइठे हाबन…!!

आज हमन,  हमर छत्तीसगढ़ महतारी ल बेचे बर ओकर कोति आंखी उठाके देखने वाला सरकार ल चेतावत दे हन, समय रहिते चेत जाय,  नही ते छत्तीसगढ़ महतारी के रक्षा ख़ातिर जम्मो  प्रदेश भर के छत्तीसगढिया संगवारी मन उग्र आंदोलन करेेेबर मजबूर हो जाबो , ये बात ल भुपेश बघेल जी अच्छा से समझ जाव !!

!! जय छत्तीसगढ़ महतारी !!

 

Breaking -   आईटीबीपी के चार जवान 21 दिन बाद दोबारा पॉजिटिव पाए जाने पर आइसोलेट किया गया

                  !!  अमित अजीत जोगी  !!

 

Share on :